خلطات للشعر
(1)
خلطة البيض
اخلطي بيضة ( إذا شعرش طويل سوي 2 بيض زين؟)
بيضة مع فنجان زيت سمسم
اخلطيهم زييين لين يدخلو ببعض
حطيهم على شعرش ساعتين بعدها اغسليه
راح يصير شعرش حرير
سويها لو مره بالاسبوع زين؟
(2)
خلطة الحناء والزبادي
اخلطي علبة زبادي مع 3 ملاعق حنه لين
تلاحظي اللون على ايدش من الخلط
كذا يعني خلاص مفعولها بدأ الان حطيه على
شعرش برضه ساعتين
بعدها اغسلية
وهاي الخلطة توقف تساقط الشعر وتخلي الشعر
كله صحه
(3)
خلطة زيوت للشعر
اخلطي هاي الزيوت مع بعض
زيت الزيتون + زيت السمسم + زيت الجرجير + زيت النارجيل (اللي علبته معدنيه هو الاصلي زين؟) +زيت اللوز الحلو+زيت الخروع
يارب ما اكون نسيت شي
حطيهم بقارورة مع بعض واستخدميهم مرتين بالاسبوع
خليه على شعرش ساعتين بعدها غسليه
هاي الخلطة تعطي الشعر لمعان وتغذية وكمان تطوله
على فكرة الزيوت لازم تكون طبيعيه ميه ميه يعني من المعصرة لشعرش هههه
.
.
.
.
(4)
خلطة السدر
اخلطي فنجان سدر مع ثلاث ملاعق حليب بودرة واخلطيهم بالماي
لين يصير قوام الخلطات لشعر يعني كريمي مو؟
حطيها على شعرش ساعتين
واغسليها
هاي الخلطة تنظف الشعر وتشيل القشور
بس لازم تنتبهون اللي شعرها مجعد لاتستخدمها لانها تجعد الشعر
اني بستخدمها لما بكون ابغى اسوي كيرلي لانها تساعدني وايد معاد اتعب شعري بالاضافات
وكمان لاني بحب الكيرلي الطبيعي فاستخدمها ضرب عصفورين بحجر عناية بشعري ومحافظة على استايلي
(5)
خلطة الحنة بالزيت
اخلطي فنجان حنه مع كوب زيت
اي نوع من انواع الزيوت اللي تحبين
زين؟
وخليه على شعرش ساعتين
تغذي الشعر وتنعمه وايد