ما أستاهل تحبني شعر شعبي روعة

مـــــــــــــا أستاهل تحبني ..

عصرت احزاني كلهه ودمعي رأسا فاض
واجيت اكتب الك واتمنى تفهمنـــــــــــي

جرحتك واشتكيتك وانته ماغلطــــــــان
بس اني الاناني وراحتــــــي تهمــني

ماجيت اقترب منك واعوض الفات
ولاجيت انه اريدك تقترب منــــــي

لكن جيت اكلك واعترف بالصار
ولو اخطائي كثرت لكن اعذرني

الك حقك تعيش بكيفك وتختار
ومالومك اذا فديوم تكرهني

شاعر واحلمت غفله وعشت باوهام
وجنت أتصورك يوميه تضلمني

خلص هاهيه واحلفلك بعد ماانام
اخاف ويه الحلم طيفك يجي يمرني

نعم سرك فضحته وماوفيت وياك
غدرتك وانته ابد مايوم غادرني

تدري انته الندم اكبر عذاب يكون
وانه انبض ندم كل لحضه صدكني

عذب لو ردت واجرحني حيل الحيل
بلكي ارتاح اذا بيدك تعذبــــــــــــني

احس مديون الك من جدمي حد الراس
وحاير شرد اوفي الدين غركــــــــــني

اذا منك بكت كل ضحكه فوك شفاك
شنطيك اني هسه شبيك حــــــــاسبني

ذبني بنار زعلك خل اموت هناك
واخذ روحي مني ومني اخذني

ولاتفتح بعد وياي هالموضوع
لان اعرف جرحتك لاتبلغني

خليني ارد اعذب روحي لاتحتار
وما استاهل اني كلبك يحبني

ودي لكم احبتي

» حب من طرف واحد شعر شعبي روعة
» احبك شعر شعبي روعة للشاعر عبد الحسين الحلفي
» انا للمقبرة اجيتك شعر شعبي على الام روعة
» كثير الي يخون قصدة روعة شعبي
» خايف ماتصدك اني اهواك شعر شعبي روعة