دارميات بمناسبة عيد الفطر المبارك هديتي لكم

دارميات بمناسبة عيد الفطر المبارك هديتي لكم

مو ماتجي متانيك وك كلبي ميهيد
لو ماتجي قرايات يتحول العيد
****
ملهوف اجانه العيد ها كتله شتريد
راويته جرح الناس ظل يلطم العيد

****
خلني بعذاب الشوگـ مارايد العيد
چي لنك انته اليوم عن عيني ابعيد

****
عيدية الك بوسات ما منها موجود
تطبع على الدلال لامو عالخدود

****
هاك العمر واختار من عنده شتريد
بس كون اگضي اوياك صبحية العيد

****
عيد ودمع وجروح يلتمن شلون
كلما اگول انساک تفضحنی العیون

****
العيد اجانه العيد اشلون اهنيك
أهديلك آنه العين لوبيها اخليك؟
****

على الرؤيا والااثبات ظل عدهم اشكال

شوفتك انت العيد مو شرط الهلال

****
باسمك اسمي العيد عيد اليحبون
عديتك اخذ الروح وياهه العيون

****
أرسل الشاعر ناجح عنوز من كربلاء وعن طريق الموبايل هذا بيت الدارمي للشاعر محمد الغريب وهو في بغداد يسأله عن حالها عشية العيد:

بشرني كولي شلون حالتهه بغداد
نزعت ثياب السود لو صارت رماد؟

فأجابه الشاعر محمد الغريب:

لبست ثياب العيد رغم المآسي
أذتها ياأبن عنوز حرب الكراس

****

حيرنه هذا العيد من دون الاسلام
نفطر اذا شفناك لو نبقة صيام !!!

****

اهلاً وسهلاً بيك يل مكبلك عيد
وصار الكلب بجفاك تنور اجاويد

هذا ماراق لي واستلذت به نقسي من الشعر

كل عام وانتم بالف خير
عيد سعيد

تسلم أيدج دارميات جميله وكل عام وانتي بخير وعيدج مبارك

يسلمك الله اخوي عاشق نور الموضوع بردك

ودادي لك اخوي العزيز

» تهنئه بحلول عيد الفطر المبارك
» أعمال ليلة عيد الفطر المبارك
» تهنئة بمناسبة عيد الفطر
» بحلول عيد الفطر المبارك اقول لكم كل عام وانتم بخير
» تهنئة بمناسبة عيد الفطر موضوع بس من نوع خـآص