خلطة طبيعية قوية سر بياض الصحراويات

خلطة طبيعية قوية سر بياض الصحراويات

لقيت هاد الوصفة ونقلتهالكم


هذه الوصفة تديريها كل اسبوع قبل ما تتحممي بيوم كاتخلي الجسم وااااااااااااااعر وكاتوحد لون البشرة

هاد الوصفة كايستعملوها الصحراويات بكثرة وهي اساس بياض بشرتهم

يلاه وجدو ورقة وستلو باش تكتبو

على بركة الله

خلطة يوم السبت:

1/صابونة دوفdove

2/قرعة ديال ماءالورد

3/قرعة ديال ماء الزهر

4/واحد شيرلي او زوج(على حسب مقدرتك)

5/الماء ديال الديكاباج نمرة 6

6/عصير حامضتين

10/7دراهم ديال الغاسول الابيض

حكي الصابونة دوف وزيدي عليها المقادير الاخرى وحركيهم مزيـــــــــــــــــــــــــــــــــــان وسدي عليهم فشي باطا

ومن بعد ديريهم في الثلاجة وخليهم حتى النهار الثاني غادي تلقاي الخلطة تضاعف الحجم ديالها

ايوا اجي نبداو دابا ندهنو الجسم ديالنا نفترضو انك بغيتي تدوشي نهار الاحد غادي تدهني الجسم ديالك كلو حتى الوجه مزيان

نهار السبت وبقاي حتى تنشفي عاد لبسي حوايجك

خلطة يوم الاحــــــــــــــد:

1/ الحناء المقدار حسب الرغبة

2/ اداد addad ملعقتين كبيرتين

ردي بالك خلطة يوم السبت مازال في الجسم ديالك يوم الاحد في الصباح خلطي الحناء و addad ودهني بيهم الجسم والوجه

وبقاي حتى تنشف الحناء من الجسم ديالك وفي العشية دوشي كيما العادة وشوفي النتيجة كاتبان من اليوم الاول وردي عليا الاخبار

بالصحة الحمام والبياض


منقول

شكرا اختي على هده الوصفة

تسلميين ياغاليه
وصفه راائعه جدا الا ان يوجد اشياء مافهمتها
لكن ممكن لو تكتبين الخلطات الحلوه
باللهجه العربيه الفصحى
لأن يوجد اشياء مافهمتهاا
اتمنى اي وحده من اخواتنا المغاربيات الي يقراون الموضوع
يترجمون لي باللهجه العربيه الفصحى

تحياتي لكم خواتي الغاليات