شلــون باجر ينفــجع گلــب النبي ؟
اعظم الله اجوركم باستشهاد المظلومه فاطمة عليها السلام
ولعن الله من ظلمها
***
قصيدتي بعنوان نداء الفاطميون
فلننادي وا بتولاه
فلننادي وابتولاه وابتولاه
مصاب فاطــم تنذهــل منه العقول
الدار حرگوها بعد جتــــل الرسول
والوديعـــة تنضرب مدري شأگول
عمري يخلص ريته والله ولايطول
فلننادي وابتولاه وابتولاه
________
يارسول الله ماعندي صــــــــبر
شلون خلف الباب فاطم تنـــعصر
واسمع ابطگـت ضلعهه والكسـر
حرت وگليبي اشتعل مثل الجمر
فلننادي وابتولاه وابتولاه
________
شلــون باجر ينفــجع گلــب النبي
وفــاطمــه البضعه اولــدهه تنسبي
لجــل حيــــدر اه ياروحي انــــدبي
وعلى مصاب الزهره ابجي وانحبي
فلننادي وابتولاه وابتولاه
"""
بجــــت الاكوان والجـن او انـس
يجرأ شلون اوصل يمــهه النجس
شلون يرفع جــفه علزهره ويـمس
وصاح حرگوا الدارطفوهه الشمس
فلننادي وابتولاه وابتولاه
"""
اه يا كـــرار ياحــــيدر عـلــي
اه واويـــــلاه يانعـــم الــولــي
اه يل لـــي بيك كل هــم ينجلي
فدوة الك هالروح والله وكل هلي
فلننادي وابتولاه وابتولاه
__________
هاي فاطم بت رسول الله الحبيب
هــاي ام المــنذبح بلــطف غــريب
ساعــد الله قــلب زينب بلنــحيب
تشوف امهه تنضرب حقهه تشيب
فلننادي وابتولاه وابتولاه
________
اه يلـــموعود يلبيــك الشــفه
يمته تاخذ ثار بنت المصطــفه ؟
شلون حال امـــك تريــد انوصفه؟
من سطرهه الطاغي والشوف انطفه؟
فلننادي وابتولاه وابتولاه
*******
منقوووووووول بقلم الاخت
عاشقة زينب عليها السلام
1435هــ
بارك الله هذا القلم النابض
نسالكم الدعاء لي ولكاتبة القصيدة
موضوع: شلون باجر ينفجع گلب النبي؟ 
السبت 15 مارس 2014 - 2:20
