راح اغنيلك جرح الشاعر عماد الاسدي

راح اغنيلك جرح الشاعر عماد الاسدي

اغنيلك راح اغنيلك جرح
بس جرح تعبان ومحمل ملح..

وحلت اللعنه عليه

ومرني صوت..

جن زفير الموت لو مر الصبح..

ما اغنيلك عشك..
ولااغنيلك حريمه

والحريمه تغيرت صارت جريمه
راح اغنيلك نشيد..

وارد أديلك تحيه

وجن صفير بترس اذاني
لاتضوج..
خلني اكلك ماهي تغريد البلابل..

ساعة استعداد مرسوم الذبح
لاتلح...

من اكلك لاتلح
انه كل لحظه بسيوفك انذبح

واتعب السيــــــــــــــاف
من كد الذبح..

خلني اكول

وخلني احجيلك قصيده
اعله الاريده..

اعله الصديق..؟

الصديق العينه خرسه
الما يطفيلك حريق..

اشتعل يوميه شمعه وحتى خيط النار اجرعه
ما أطيق..
انا جف ارماد اسود

جنت سيف بغير مبرد

ذلة العاشك دمع بين الحبايب..

والمصايب..
رداف لو جتني المصايب

واجب المظلوم يصرخ

صرخة المظلوم واجب
لاتعاتب..

ادري دمعاتك غزني

وهيه دمعات الضحك يم الشماته

وانه دمعاتي الوجع والاحتضار..

بيه نار..؟
بيه نار الما اظن خلفت رماد
وانته هزيت العماد

» غلطة الشاطر عماد الاسدي قصيدة روعة
» عيد ميلاد سعيد وسام الاسدي
» ترأس صاحب الجلالة الملك محمد السادس٬ نصره الله وأيده٬ افتتاح الدروس الحسنية
» انباء عن ضلوع بندر بن سلطان في اغتيال الشهيد عماد مغنية
» نبذه عن حياة الصحابي الجليل حبيب ابن مظاهر الاسدي