دخيلك ياعلي

(( دخيلك ياعلي ))

***********

دخيلك ياعلي غيمه بسواد الليل

مثل رد الشمس عن هل الوطن ردهه

دخيلك ياعلي من رمح وحشي اليوم

جبده الحمزه صابه وهند يسعدهه

دخيلك ياعلي ألتمت علينه أحزاب

كَص راسه العمر وأحزابه شتتهه

دخيلك ياعلي من شيلت القرآن

يرد صفَّين جفَّك عنَّه يبعدهه

دخيلك ياعلي من ناس ماترحم

من بدر وأحد أبليس جنّدهه

دخيلك ياعلي من حفصه من عيشه

معركة الجمل داعش تجسّدهه

دخيلك ياعلي من مرحب وجيشه

صفَّي كَلوبنه وبوجهه وحّدهه

دخيلك ياعلي يمهوِّن الشدّات

أبن ملجم كَصدنه بنار خمّدهه

دخيلك ياعلي للرايه يردوهه

ونار الجور تحرك بينه برّدهه

دخيلك ياعلي بردا سلآم وياك

وأذا يرمي الموالي الرميه سددهه

دخيلك ياعلي أحضر ميادينه

هذا أبن العراق سيوفه جرّدهه

دخيلك ياعلي وفقّارك ويانه

وهيهات الحسين الكل نرددهه

دخيلك ياعلي والكَاصدك ماخاب

الشيعه للمعاضل غيرك أشعدهه

دخيلك ياعلي لنطيح بالغربال

سفينة ابو اليمه شلون نصعدهه

دخيلك ياعلي مروتك على بختك

يقينا بأعتقاد الباب متسدهه

دخيلك ياعلي بكل خطوه ويّانه

يا للثار كلمه الحر يرددهه

دخيلك ياعلي وعله العهد باقين

يوميه وثيقة دم نجددهه

دخيلك ياعلي أبهل الزفَّه أحضرنه

مواكب للشاهاده وأنته شاهدهه

بارك الله بك غاليتي بنت اليمن
اشكرك جدا
تحيتي + تقييم

بارك الله فيك اختي العزيزة بنت اليمن وحشرك الله مع محمد وآل محمد الطيبين الطاهرين .... تحياتي لك

دخيلك ياعلي والكَاصدك ماخاب

الشيعه للمعاضل غيرك أشعدهه

راائعه جدا
شكرا بنت اليمن تسلمين

» ناد علي مظهر العجائب تجده عونا لك في النوائب كل هم وغم سينجلي بولايتك ياعلي ياعلي ياعلي بصوت باسم
» ياعلي انت وشيعتك خير البشر
» علي ياعلي و ماادراك ماعلي
» اعوفك بشروط ياعلي
» قصيدة (انااعوفك ياعلي