صفات الشباب الاردن وماذا يحبون بالفتاة

صفات الشباب الاردن

صفات الشباب الاردن

· لما يحكيلك انا صريح بكون 'كذاب' ولو حكالك انا غامض بكون 'هبيلة'

· لو حكى عن المجتمع وعن البنات كيف صاروا بكون تاع شات و مش عارف يتعرفله على جاجه

· لو حكى اني ما بطلب إشي من أهلي بكون وصولي وصلبتجي

· انا عرفت بنات أد عدد شعر راسك وهو بكون مش لائي وحدة تتطلع بوجه

· انا بكره البنت المعئدة وبكره البنت الصايعة بفاجئك انه بدور على الصايعة يصاحبها ...........والمعئده يتزوجها

اول مرحلة من التعارف

? لما تشوفي إنه سيارتة قديمة بحكيلك انه كان معاه BMW ونشطبت بحادس قوي على طريق المطار وكان رح يموت

? اول مرة بكون نظيف والعطر ريحته طالعه وأكيد حالق وبعد كم مرة بتكون نفسيتة تعبانة ومش مفرشي اسنانه وبدوب التلج وببان المرج

? أول اللقاء بكون معاه موبايل (I mate) تاني يوم بتلاقي معاه موتورولا ابو سلك وبحكيلك معلش عشان موبايلي إنسرق

? وين بتحبي تروحي -البنت على BLUE FIG -الشب لا بس المكان إللي جنبة أحلى..... (عشان أرخص)

? بفتح ادامك المحفظة علشان يورجيكي كروت الفيزا والماستر وهم بكونوا لأبوة و expired

? أكيد بحكيلك إنه ساكن بعبدون وبعدين بتكتشفي إنه ساكن براس العين

? أكيد بحكيلك عن طووشة وبطولاتة وكيف ضرب الشباب وهو ما صارلو إشي ( والحقيقة بكون هو إللي اكل الأتله كلها)

المرحلة التانية من التعارف

· حبيبتي انا ما بحب الأماكن العامة عشان إزعاج الناس وعشان ما يشوفنا اخوكي......... (تلميح لشقة)

· تلفون الليل دائما رومانسي والصوت المبحوح النايم ولازم السؤال المعروف (شو لابسة)

· بحكيلك انه طالع يسهر (ب الناي أو رد) وبتلاقيه ببار (أميجو ) بشارع الجامعة

· ولما ما يكون معاه مصاري (وهادا الوضع الطبيعي ) فجأه بتلائي حالك بشارع المطار والبنزين ضاوي

· لو مسكتكم الشرطة على طول بصير 'حاضر يا سيدي وعلى راسي وقال وقولنا بعد ما يكون معك أل وألنا '

· بطلع معك بقميص ZARA وفجأة بتشوفوا صاحبة بحكيلو القميص بجنن عليك (طبعا بكون القميص لصاحبه)

· بكون لابس جاكيت جلد وبحكيلك إنه إيطالي وإنه ما بنحرق لانة جلد أصلي وفجأه لما يولع سجارة بتلائيه هب هو والجاكيت

· بكون لابس نظارة بحكيلك إنها مارك police وفجأة بتوقع وبتمسكيها بتلائيها made in china

· لو عزمك على عشاء بحاول يضيع الموضوع وبخليها شرب سوائل

· وبجكيلك انه المشروب عنده زي المي وهو لما يشم ريحته بدوخ

· لما يسألك وين بتحبي تروحي إنتي بتحكيلو على ROVERS هو بحكيلك أنا كل يوم هناك ولما تروحوا بيسألك وين الحمام

· لما تتعشوا سوا بحكيلك دوئيني من صحنك وفجأة بتلائيه خلصلك صحنك وصحنة

· بسألك شو بدك تاكلي ( المطعم المكسيكي)تقولي (فاهيتا) وعشان هو مش عارف إنتي شو طالبة فبحكي خلص زي ما إنتي طالبة

· ولما تيجي الفاتورة بيعرق - ليش هيك إحنا ما طلبنا إشي لو سمحت ليش هيك الفاتورة

· أنا ما معي فراطة....... (عشان Valet و البقشيش)

· بعد ما تحكي شكرا على العزومه بحكيلك ما هو الجيبه وحده انا اليوم وإنتي بكرة

· لما تنزلو على البحر الميت انتي بكون معاكي في الشنته شامبو وكريمات وصن
أويل وهو بتلائيه بشاكير ( للعلم الفندق بيعطيك بشكير) وفاين على الجنب
وكيس بزر في قاع الشنطة وحفاي و أنينة مي جايبها من الدار ( عشان ورقة ماء
غدير بتكون رايحة)

المرحلة الاخيرة من التعارف

· لو بدو مصاري منك بحكيلك انه متخانق مع اهلوا أو عليه دين أو خربت سيارته

· أبل يوم عيد ميلادك بشهر بكون يخطط كيف بدو يكون يوم عيد ميلادك وأتريه
بكون بفكر كيف بدو يتخانق معك طبعا تمثيل عشان توفري علية الهدية (بعد ما
تكوني جايبتيلو كل هدايا الاردن)

· لما تشوفي موبايلو عليه صورة أطفال بحكيلك هدول ولاد أختي وبعدين بتكتشفي إنهم ولاده

· ولما بدو يتركك بصير يعمل حالو كتير مشغول وبحكيلك انة ما بفكر في الزيجة ابدا ويا ريت نكون إخوان( بعد 3 سنين تعارف)

· لما يحكي انا مش جاهز للزيجه (إلا بعد 5 سنين ) بس تتركيه بعد بيومين بيخطب بنت خالتة عشان إمه بدها هيك

جوردن...

صفات الشباب الاردن وماذا يحبون بالفتاة Gamr15.com-9652973af0

· بطلع معك بقميص ZARA وفجأة بتشوفوا صاحبة بحكيلو القميص بجنن عليك
(طبعا بكون القميص لصاحبه)
فششششله هههههههههه ليش الكذب صفات الشباب الاردن وماذا يحبون بالفتاة 950997

صفات الشباب الاردن وماذا يحبون بالفتاة 950997

·

ولما بدو يتركك بصير يعمل حالو كتير مشغول وبحكيلك انة ما بفكر في الزيجة ابدا
ويا ريت نكون إخوان( بعد 3 سنين تعارف)

· لما يحكي انا مش جاهز للزيجه (إلا بعد 5 سنين )
بس تتركيه بعد بيومين بيخطب بنت خالتة عشان إمه بدها هيك

بس شباب الاردن ؟ خخخخ
ملياااان غيرهم من كل بلدان العالم lol!

شكرررااا احلام
موضوع رائع جدا
تحياتي

هههههههههه حلوه هاااااااااااي في عنا بالاردن كتييييييييييييييييير

» صفات بنات الاردن وماذا يحبن في الشباب لجميع المحافظات
» اهل السنة والجماعة يحبون من قتل علي بن ابي طالب
» لماذا اجهش "صدام حسين" بالبكاء في إحدى جلسات المحكمة؟ وماذا طلب في لقاء سري مع القاضي
» صفات الأولياء
» صفات المرأة من شهر ميلادها