اجدد النكت 2012 - 2013 هع هع بالباكيت
كردي طب لمحل كال لابو المحل عندك من السما مال سليمانية ابو المحل كله انت كردي ....... الكردي ضاج كلش جان يكول لابو المحل بالله اني لو سائلك اذا عندك كيمر السدة جان كتلي انت حلاوي و لو سائلك عندك كبة الموصل جان كتلي انت مصلاوي و لو سائلك عندك نومي جان كتلي انت بصراوي ابو المحل كله لا ... الكردي كله لعد ليش تسالني اذا اني كردي كله مو هذا محل مال كهربائيات
واحد فكر كال شصار لو الدنيا تمطر فلوس ورة شوية كامت تمطر فلوس اول محط ايده عليهن وكعت عليه القاصة
واحد سال شيخ عصبي كله شيخنا ايصير اصلي صلاة الجمعة ورة هذا الي يطلع بالتلفزيون رد الشيخ: اي وتغلف الثلاجة بقماش اسود وتحج بالمطبخ
محشش حضر حفلة لوائل كفوري سمعه يكول (بحطها على راسي من فوء (فوق)) ومد المايك للجمهور حتى يرددون المحشش سحب المايك وكال: السلام عليكم "ابو محمد من بغداد الجواب الشفقة"
اذا اجتمعوا اربع امريكيين صنعوا فلم
اذا اجتمعوا اربع يابانيين صنعوا الة
اذا اجتمعوا اربع برطانيين الفوا كتاب
اذا اجتمعوا اربع روسيين صنعوا نووي
اذا اجتمعوا اربع صينين الفوا حكمة
اذااجتمعوا اربع عراقيين لعبوا دومنة
واحد عراقي كالولة احجي الي تريده عن ديموقراطية البلد بده يحجي:
وين حرية الراي
وين المساواة
وين الكهرباء
وين الخدمات
وين فلوس الشعب
.
.
.
.
.
.
.
وين ماخذيني
وين الضوه
وين اني
اخ يابة
واحد فضولي كالولة نطيك نص دفتر وتبطل تحشر نفسك بكولشي ... كلهم ونص الاخ المن
واحد اسمه علاوي كاعد ايطير اطيور فوك البيتونة اجه صاحبة كام ايصيح علاوي انزل ديوزعون النتائج هذا علاوي جيت من البيتونة على السطح ومن السطح على السياج ومن السياج على الكاع وركض مشوف وراه غير بس العجاجة مال تراب صاحبة صاح عليه كله علاوي ارجع اخذ فلوس ماينطوك الشهادة علاوي كلة الراسب ما ياخذون منه
واحد غبي اتعين بالجيش كالولة اشون تعرف السيارة مفخخة كاللهم من اطك
كردي بالامن لازم ارهابي و واكعله دك كتل بالصوندة ايكله اعترف ولك كم مرة امفجر نفسك
س_ ليش بالكويت ممنوع السرعة اكثر من 120
ج_ لان من يعبر 120 ايطب بالبصرة
عصبي ايصلي ويه جهالة صلاة جماعة كلهم الي يحجي اعلكة بالبنكة ترة اني الله ما اعرفة بالصلاة
موضوع: اجدد النكت 2012 - 2013 هع هع بالباكيت 
الخميس 2 فبراير 2012 - 13:10
