دارميات منوعة روعة
من زغري والعباس ما شفت راحه *** حته الضحك وياي صار بكباحه
خرسه ونظر مكفوف والخلق ربج *** انهي الكلب كل ساع ويصيح احبج
الدنيه عركه وياي وتزامط زماط *** شدة عداوه وياي من لف الكماط
دله الوكت يفلان خلاني بيدك *** وتحطني عالجمرات واصرخ اريدك
كل لحظة أفكر بيك كل ساعة كل يوم .... حته من أغمض العين تطلعلي بالنوم
ارد أنشد أهل الشوك ومتاني توضيح .... ليش الاحنان بساع دمعتهم تطيح
كل جفن شاف النوم بس جفني سهران ... هيج اليحب محبوب يكضيها حيران؟
صح اني انام الليل وامغمض عيون ... بس الكلب والروح بيكم يفكرون
وركَــه بخريف وريح صــرصــر لفاها
هيج اصبحت بجفاك روحي بهواها
تيزاب احس بالماي جيف انت غايب *** ومن فاركيتك يوم شفت المصايب
جا وين ذاك الكال الخوة للضيج *** مرت علية ايام تنشف الريج
تبجي بغزارة العين .. بجاهة لفراك *** فوكاهة هاي الروح كل لحظة تشتاك
الحجامي..
روحك لون تشتاك من كثر الفراك *** حظن بحظن وياه وتكلي مشتاك
تبجي بغزاره.. نكول هنيال العيون *** وشلت دمع العين وصبحت مجنون
افرك بصل للعين بس دمعه رايد *** يراسلني عالايميل للدمعه زايد
كل جفن شاف النوم بس جفني سهران *** هيج اليحب محبوب يكظيها حيران
واعدني اجيك بطيف .. يحجيها مهتم
غير آنه اعرف النوم حته أكـَدر أحلم
كلمن يروح بعيد ينذب وراه ماي *** بس انه اذب الروح من يبعد هواي
تبجي بغزارة العين .. بجاهة لفراك *** فوكاهة هاي الروح كل لحظة تشتاك
اسئل اضل عليك حد كطع الانفاس *** غالي وتضل باالروح تاج انته عاالراس
ناكه شكثر للناس درا ثداياي *** تاليه للكصاب جابتني دنياي
ماهمني الكصاب ولا العلك جلالي *** همني الصديج الكال عيرلي من هاي
زين وصديجك كال عيرلي من هاي *** ابن امي هوه الكال ويمرد جلاي
تدري اشوكت انساك واسمك علي يهون *** من تسمع انا هناك بالنجف مدفون
ياحلو كلي شبيك تخزرنة وتروح *** لتعاين اعلة الشيب عاين اعلة الروح
عشرتنه دك جبال ما تعرف الريـح *** ومن عيني موش دموع هذا انته وتطيح
هل دمعي دم عليك وتعده لـحدود *** لو صب على العاكول جاحمل ورود
لاتوكف ويه الغير وتهيج الاوجاع *** أمن الكاع اغار عليك من تمشي عالكاع
من كثر ما مذهول من بعد الاحباب *** ضليت ادك حيطان حسبالي ادك باب
گتلك واگلك دوم وتگلي ادري *** ارجع واگول ردود فدوه الك عمري
شكيته ثوبي عليك وصلته للنص
جي طلع شخصك طين ومبركع أبجص
***********************
شكيته ثوبي عليك حد مابده خلاع
حسبالي شخصك بير ثاري طلع كاع
موضوع: دارميات منوعة روعة 
الأربعاء 7 مارس 2012 - 8:33