دارميات مختارة جميلة
خادم انا وممنون وخدم المزيون
نكمل وحك عيناج خلهم يسمعون
&&&
شمس وتطر الراك ما حاجه تحلف
سامحني يا ابن الناس وبفيكم ازلف
&&&
بلكَلب انت اشلون تنبض احسك
زهره وحزن محلاك وتنخه بسمك
&&&
ما غبت عنكَ يوم صدكَني مهموم
محتار ارد عليكَ وتكَلي محشوم
&&&
شرد اقرة من البيت اتهجه ورتد
محلاته هذا البيت بس كَلبه اسود
&&&
اكتب وريد اجواب لوزيجي اشكَه
مثل التفكَد اثنين ولثالث انته
&&&
&&&
خلي البرد تموز والحر نسينا
متعوده يبن الناس يوميه وجعا
&&&
اسكن ونا الممنون هنيالي جارك
وبخوت الطيبين نجفل بدارك
&&&
&&&
انطر وظل اتناك مترجي العيون
بلجت يمر منا ويا اليمرون
&&&
يالخادم اشمحلاك من تخدم حسين
وتمنه كون وياك وتشيلك العين
&&&&
مشتاك امر للهور ونصب الشبجه
وبحجت السمجات ونسوي ملجه
&&&
امحزم زماني وياي دين ويطلبه
عكَس الحبل مجبور يرخه من اظبه
&&&
عمي الزرع مبخوت لليزرعونه
وحنه بزعهم سيل هل يحصدونه
&&&
اتمنه كَلبي جناح وتمنه بي ريش
وتعنه للياذيك ونفلشه تفليش
&&&
خل دمعي يجري دموع ما اكَول امسحه
جيف الوطن مذبوح ماريد اجرحه
&&&
مجنون اضل لدوم يل تحاجيني
جنني حب حسين خلني بونيني
&&&
نرخص فده ولحسين كَلحنه بديَن
ولما يصدك زين كَافر ولحسين
&&&
ليش التمر ياناس بس عدنه يحله ... جيف اليزرعه حمود والنبع دجله
لمن اشوف هواي ويصد عليه ... حدري اختلال يصير بالجاذبيه ( هواي= محبوبي) ( حدري= تحتي)
كاتب صباح الخير فوك المخده ... محد عليه اينام بس الاوده
هب الهوة وحنيت وارتجت اعضاي ... لو هي رجفة موت لو مجبل اهواي (مجبل=مقبل اي قادم)
ما خايف من الموت ... وايام الحساب ... كل خوفي دفني يصير.. بيدين الاغراب
مالي گلوب اثنين خو تدري بيه ... واحد واخذته وياك وشـظل اليه
چا واشحلات الچا چا شنهو انتة ... چا والحچي بلا چا چا شنهو لذته
ريت الألم يندار منك اليـــة ... وتعرف اخوك شلون يحمل أذيـــه
حزني بغيابك صار حزن ازغر النوك ... مرعوبه والكصاب ماخذها للسوك
كون افترج ولكاك اتنوشك ايدي ... وظفر الكصيبه وياك اظفر وريدي
وكان الرد بغاية القوة والروعه
هم ينحل شما طال ظفر الكصيبه ... اليحب يطي الروح كله الحبيبه
على العالي شموازيك تشلبة وتطيح... ماكو بعد خوان شتنادي وتصيح
لواخبرك انه الحال ونيت اليه ... شايف بشر عالراس شال الوطيه
وجهك ثلج والعين مخلوقه من نار ... لهذا السبب معذور دمعك نزل حار
الدنيا للتهواه تردحلة وتزيد ... وللي تعند وياه عندة الحزن عيد
روحي انتي والشريان وهيكلي العظمي .... يشهدلي رب الكون حبج بدمي
حبك يبعد جلاي عشعش بالضلوع ... وكل لحظة من فركاك هالكلب موجوع
كون الله واهل البيت وحيدر الكرار ... يرجع حبيب الروح واكتبلة الاشعار
حلوة اني هوااااااي وماتلگى مثلي .. مثلك شباب هواااااااي يتمنى وصلي
الدنيا للتهو ترخيله الحبال ... وتنزل الطيبين وصعد انذال
بالك تكول اسرار للمنك اوبيك ... هو اليدك اطبول وهو اليخزيك
لاتظن حي وانساك وبكلبي رسمك ... اسمي الثلاثي انساه وما انسه اسمك
هم همي هم الناس هم هم دليلي....وجماله حجي الناس هدمه الحيلي
چنك تريد فراگ ما منه رجعه ... تره جرح الهجر ميطيب يوميه وجعه
للموت اظل وياك مايوم املك ... مابيه حيل فراگ من هسه اگلك
يالعذبتلي الروح من غبت عني ... خلصت دمعهه العين ومابطل وني
دمعتچ ليش اطيح يا اغلى ناسي ... وانه الرفعتچ تاج غافي اعله راسي
شماتي مو شمات شماتي تسعه عاشرهم ازغيرون يومي بصبعه
كلبي انته والشريان والضي بالعيون ... لاتظن يوم انساك وعليه أتهــــــون
ياخـلـي لـو صـديـت قـلـبـي يـريـدك ... مـوت وحـيـاة الـروح ياخـلي بـيــدك
انت تظل بالروح والباقي فلسين حبك ثبت بحشاي اقسم بالحسين
لا صگر لا غزلان شايل هلعيون ... من شفتك اختليت ، صرت آنه مجنون
موضوع: دارميات مختارة جميلة 
الأربعاء 7 مارس 2012 - 8:43
بارك الله فيك ...والى مزيد من التألق والابداع