شعر عيون النزيـف للشاعر للشاعر محمد العكيلي حلوووووه

عيون النزيـف

بوجه كل جمرة تچوي الگـاك مرسوم ,,

وخيالك ســـــر نــــدم بالعظم منحوت ,,

نجمــك مــــــن كثـر مــاعاشر غيــوم ,,

طفــــه وحـــرم عليـه منيـــن مـافوت ,,

گمت كلمــــا اشـــد بالبارحــــة الـيوم ,,

تلچني الشمــس وابچـي ابفي البيوت ,,

يلــم بيـــــه الصبر واطشنــي الهموم ,,

ويسيجنـــي الوكت ماادري بسكـــوت ,,

ترس عمـري بمـــرارة مــوت مفطوم ,,

وربه بروحي جــرح مافارگ الصوت ,,

صوچ الروج خلــه شراعـــي ملچـوم ,,

اعتنـــه ويعتنـــي لحضــرة المــــوت ,,

(صرت مثـل السمچ ماكول مذمــوم) ,,

شجانـي وماحسبت گبـالي چم حـوت ,,

كلهــــه تريـــــد تنهش بيــه وادگـوم ,,

اشوفن كل حلگ صایـرلـي تــابــوت ,,

يالتركــض وراي شمــــالك شـبيــك ,,

شجــــاك تحزمت ويـــه اليركـضون ,,

تظن روحـــــي بعـــــد ماتگـدر دگوم ,,

ولو طـايح عليـــه السگف والكـــون ,,

ظل انـگز عليـــه وگـول مطمـــــــوم ,,

ماگولن شــلت ثگــــــــل اليطيحــون ,,

مــوكلمن يحـــل حزامـــــه مـهـــدوم ,,

ولا كلمن عشگ گال انــــــه مجنون ,,

ماتگـــدر تغطـي جروحــــي بهــدوم ,,

مـادام النزيف البيـــه الــه عيـــــون ,,

انه بوجهي فرح بـــس منـه محروم ,,

وضعف عودي غفه بچف اليخنگون ,,

بعنابيري حــزن ماطلعـــــه اللـــــوم ,,

وصبر جرحي جسر ماشالتــه متون ,,

مثـــل گلـب النخل جمـارة مظمــــوم ,,

بــعد بيـــه بچـي بوجـــه اليصفنون ,,

للشاعر محمد العكيلي

حتى اذا مكررة لحد يحذفها لانها حلووة