اغسل دم رقبتي بسيف جتالي

كصر شوكك عليه وطال صبري عليك
وعلى امثالك بعد ما ترهم امثالي

جنت مالي قبل من جنت تنزف شوك
بس هسه انتهيت وصرت مو مالي

لا تنغر بطولك ولو طولك بان
وعلى طولك عنب عشرينك يلالي

السعف هم عالي لكن ما يشيل احساس
وعلى حساب الجذر ظل السعف عالي

شتلتك بيدي لهفة وخضريت فراك
وعلى خيال الشمس جنت اشتل امالي

لتغرني بدمعتك ذاك قلبي انساه
ما يشتاكلك صار القلب خالي

اشك عيني برمح لو مرة حنت ليك
واعميها اذا طيفك تعنالي

جرف شالك ضميري وما شربتك ماي
وانه انزف عطش والصبر يبرالي

ولا احن المناير طولك المجنون
ولا يم بحر عنك ينشده بالي

عرفت برخص شعرك والسواد البي
وعرفت بليل من ظل شمعك يلالي

وعرفت المن بعتني ويا جفن غراك
وعرفت بيا ندى بدلت شلالي

كبر جرحك بروحي وبيه عذر يراف
ترس جسمي وصل ظل ياكل خيالي

وشخصك باعني وما كدرت انساه
شلته من القلب بس زنجر ابالي

جتالي انت شلون جاي تريد
اغسل دم رقبتي بسيف جتالي
------------

مما راق لي

الله الله ذوقك روعه

الاروع حضورك اخوي

لاعدمت تواصلك وروعة حضورك

دمت بخير