شعر شعبي ما مجبور أحب انسان تمثال

شعر شعبي ما مجبور أحب انسان تمثال

شلت همك عمر ليل باثر ليل
كسر ظهري التعب وهمومك اثكال
واول ماطحت راسا صحت حيل
ضحكت على الدمع بخدودي من سال
كمت بجفوفي اصيحك وين جفيك
ولا تعرفني جنك مادرت بال
حسبالك خلص وما ارجع النوب
واظل تعبان بعدك وابجي موال
عود انت ادفعتني اهواي بطران
تره اجفوف البشر ماتدفع اجبال
وذا كاع انت طبعك هم امر بيك
واشك صدرك واجيك بحيل زلزال
شلت حسنك عنب وبحضني اخليك
كضيت سنين اشيلك مثل السلال
جنت باول عطش اعصرلك العين
واكت ادموعي لجلك ماي شلال
متستاهل اسهر واحسب انجوم
وابوس ايد الكمر وعيون الهلال
اتوسل اظل بلكت يروحون
وعله ظهر الصبح تلكاني خيال
اجيك بايدي ورده وكلبي متعوب
واكابر واني بيه اجروح اشكال
عال العال صحتي وكلشي نسيت
مامجبور احب انسان تمثال
لاتتوسل ولا تحجي وياي
كرهتك روح مايحتاج تحتال
ولك بيك امنت ماجنت اظن هيج
على اجروحي تسوي اجروحك انزال
هدمت الشوك بيدك واني مليت
دروح وارظى مثلي بواقع الحال
أنا مامجبور أحب أنسان تمثال

مما راقني

شعر جميل وكلمات رائعة ..ننتظر ابداعاتك القادمة ..تحياتي لك سمسمه

» أعلى تمثال للسيد المسيح في العالم
» امنيات انسان
» كيف تتأكد أنك انسان خبل اهبل
» هــل هذا ملاك أم انسان من خلق آدم
» لاتدمر حياتك ان غاب انسان تحبه