شعر شعبي يا زينب العباس الشاعر قاسم طاهر القاسمي
يا زينب العباس ... ظل عالشريعه ..... جفوفه كطيعه
والسهم طفه العين ...... وطفالي عيني ..... وزيد ونيني
والعمد طر الراس ... لمن تكنطر .... خر الكمر خر
******
طاح ونده يحسين ...عندك وديعه ... بنت الشريعه
بزينب أنه موصيك .... وبكلبي لوعه .... وتجري دموعه
مواعدهه أجيب الماي .... آنه لخيمهه .... مستحي منهه
*******
رحت آنه وبلا روح ... للحومه يمه ... ودنكت أشمه
ظهري إنكسرنصين .... وحيلي تهدم .... وتحنه بالدم
ولصدري أضم عباس .... وبيمن يضمني ... هذا الهضمني
*****
مهضوم أنه مهضوم ... يازينب اليوم ... من هذي الكوم
وبكلبي أشيل إهموم ... جاسم والأكبر ... والباقي أكثر
هم الجفيل الطاح ... فوك الوطيه ... جثته رميه
******
عينه إعله ماي الجود .... المنه تبده .... ونكطع زنده
ويكل يخويه حسين .... سلوة زماني ... خلني بمجاني
للخيم لاما أعود .... يبن الزجيه .... والبيه بيه
*****
بحر الفضل والجود .... فاض الشهامه ... لأهل الكرامه
كل جوده والأحسان ..... من أصله طيب .. لاما يخيب
إبن الطهر عباس .... جفوفه بذلهه ... بالطف محلهه
******
جفوفه محلهه اليوم ..... وسط الحرايب ... إشهد يغايب
من تحمل إنته لواك ... جفوفه تلمهه ... وترفع علمه
وتغسل دمه الجفين .... لو خذت ثارك .... مو وحشه دارك
******
وحشه وخليه الدار .... إنهض يغايب ... وجلي المصايب
فاض الصبر ياحيد ... فاض وتبده ... وتعده حده
يبن الحسن يايوم .... تسكت الأعادي ... بمكه تنادي
******
يا لثارات الحسين
ترفع الكف لواء
تنصب الطف عزاء
تندب إبن الأمي
***********
الشاعر
قاسم طاهر القاسمي
موضوع: شعر شعبي يا زينب العباس الشاعر قاسم طاهر القاسمي 
الخميس 7 يونيو 2012 - 13:27
