غلطة الشاطر عماد الاسدي قصيدة روعة
انته من شفتك خَجل صاب الورود
وانته من وجهك خِجل حتى الوصف
ما اكول انسان يل جنك مــــــــلاك
أنته لاتبعد اخــــــــــــافن تنعرف
انته يا غلطه من اجيت.. أنته ابتلاء
وانا اعرف غلطة الشــــــــــاطر بالف
غلطــــــــــــتك كلك جمال وانا اذوب
وانا كل جسمي بلمستك يرتجف
يعني من يوم الكمر سوه اعتراض
انته بالليل اطلعت هوه انخسف..؟
غير اكص لســـــــاني ما اكدر اكيد
هوه ضل عانديصيح شكد تـــــــرف
وانا لجلك عاقبت حتى اللسان
آآه من لساني والله .. شكد صلف
انته جن ضابط وكفتك بقتــــــــدار
جندي ايعازي اعلى بابك راح اقف
انت صرت اكبالي راح انطق كلامـــ
انا حررت اللســـــــــــان ارد اعترف
ما احبك.. اقتنع ميت عليـــــــــــك
وانا واضح لا ادور ولا الـــــــــــــف
تدري بس شفتك كبل صار انهيار
وطبعن براسي عيونك والزلــــــــف
انته بشفافك عسل شايل اكيد
نفسي اماره ودنت .. خل ارتشف..؟
كتلك اقرالك قصيده من الـــــــغرام
غير صرت اكبالي تيهت الحرف
انته من تنطق فلا تدري شيصير
يعني بس بهاي مره ارد اختلف
انته من تنطق تدّوخ بالعقـــــــول
انته تعزف بالكلامـ اجمل عـــــزف
انا احذرك انته بس تبعد أمــوت
يعني ميت لامحال من النــزف
غلطة الشاطر
عماد الاسدي