ابوذيات و دارميات روعة

ابوذيات و دارميات روعة

وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه

الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

طولج بحر بالريح من يهتز يموج
والصدر منبع ماي وشفافج الروح

امديرم ومريت جن دمي بشفــــــــاك
كصدك تهيج الشوك لو تحرك اهواك

وجهج صباح الخير لو شافته العين
حتى بصباخ الكاع تطلع بــــساتين

وجهج بشارت عيد والاحلى ملكاج
وريت العمر عمرين من يكضي وياج

خدودج حدائق شوك وعيونج بحور
والعسل فوك اشفاج وانفاسج عطور

خدك يحلو الطول احلى من الورود
وبيها فضل عالناس لا يبقى لدود

بشعرج يبعد الروح خليني ماشه
شوفج لون تدرين تروي العطاشه

لف الشعر سوباط وكذله عنكود
واسلب الرواح الناس بعيونك السود

ها یـذبــل یـــــذل الگـــلب هـــــــــاذل
ابصدودک یلإلی تمـّـیت هاذل
یمته اتمر واصیحن هاذ هاذلــ
هذل شوگی او نسانی او عمل بیه
* * *
حبیبی ابگعدته ابحچیه بسمره
ابلفتـّـه ابفـــــرّت اعیونه بسمره
جبرنی او عفت کل امری بسمره
اطیعه او طاعته واجب علیه

» دارميات منوعة روعة
» دارميات عراقية - دارميات 2012 - جديد الدرامي
» ابوذيات جميلة جدا لكبار الشعراء 2012
» دارميات مدح الحبيب
» دارميات غزل الحبيب