تبجيــــــــــني اعله كيفك

يمــــر الليل بيه ويكعــــــدالليل

واصبله استكـــــانه ويشرب الجاي



ويكلي صويحبك ماسولف اوياك

واكله صويحبي ماقصــــــر اوياي



اكله بهاي اضمك من تجي بهاي

يكلي بهاي اطلعك من تجي بهـاي



عمر وانه وصفنتي نسولف اوياه

مثل ماعالجروف يسولف المــــاي



يصير اكبال عيني ويترس العين

واصير كبال عينه وجني ماجــاي



تظل روحي اعله شوكك ولهلاوين

اتعبنها ايام صــــــــدك والهلاوين

ضحكتك وين راحـــت والهلاوين

الفرح لوطار جنت اتجيبه اليــــه


وعليك بكل كتر خليت العيون

تربي لشوفتك واتريــــــــــداتــانيك



واكول من الصبح باجر اذا جيت

افك باب الكلب وبكلشي احــــاجيك



واسولفلك عليه وتفتهم كـــــون

من اسولفلك عليه وبيــــــــه ادليك


تمر بيه بصفنتي وشدهة البال

تسدباب الخلك ليش من امـــر بيك



تبجيني اعله كيفك وابجي مرات

وابجيك وعلي لــــــــوردت ابجيك


الدمع نقطة ضعف لاتعتقد طاح

الدمع معناهه احبك مـــــن الاكيك

راقت لي كثيرا

رررررررررررررررروعه


تبجيني اعله كيفك وابجي مرات

وابجيك وعلي لــــــــوردت ابجيك

الاروع حضورك اخوي

لاعدمت روعة حضورك وتواصلك

احترامي وتحياتي

هلا والله غاليتي ميمي

نورتي متصفحي بروعة حضورك

لاخلا ولاعدم
ودي لك