قصيدة (انااعوفك ياعلي

اللهم صل على محمد وآل محمد الطيبين الطاهرين

قصيدة ( انا اعوفك يا علي ) للشاعر (ايهاب المالكي )

انا اعوفك ياعلي بس بشروط

الكه واحد مثلك الينخاه مجاب

وكون نايم ليلة بفراش الرسول

وكون قاتل مرحب وشالعله باب

وكون اذا مات النبي وما بايعوه

ما يجر سلاحه ويسوي انقلاب

وكون يصير امير المؤمنين

ومو براتب يشتغل بس للثواب

وكون شاغل كرسي مو مشغول بيه

ومو مخلينه فقط يملي النصاب

ياعلي شتستاهد الكالك بديل

يكدر يرد الشمس وقت الغياب

انت سر القوة عند المسلمين

بغيرك انظل اعزل ابين الذياب

يا ترف لمن تجي اكبال الضعيف

عكس سيفك من يمر فوك الرقاب

الله من انطه اليحبونك جنان

لازم انطه الما يحبونك عذاب

انته محد صورك تطعم يتيم

لا جرايد نشرتك تكسي الثياب

منو اليعرف بيك من تنطي لفقير

الله يدري وجفك ويدري النقاب

البيه اتراب وظال ما جايسته ايد

يعني محد رايده وبي شي يعاب

وانته يابو اتراب عكس الفكره هاي

سر محبتك يكمن بهذا التراب

منو مثلك حتى رأيك عنده عين

وجانوا يلقبونها بعين الصواب

الحار بيك ما قاري صفحة من الكتاب

وجا سوالك اذا قاري الكتاب

انت بالمحراب من تهوى وتطيح

باجر اترد توكف بيوم الحساب

وما انتيهك واضحه اوصافك اكيد

زايرينك وانعرف لون القباب

وحتى اذا تيهنه هم نسأل عليك

ما كو غيرك حيدر وصاحب مصاب

******************************

السلام عليك يا امير المؤمنين يا علي بن ابي طالب



تحياتي لكم

السلام عليك يا ابا الحسن
بارك الله بك اخ جعفر
تحيتي لك

اسعدني مروركما ....تحياتي لكما الاخت ايمان القلوب والاخت بنت اليمن