ماصدك عشكنة يصير شمعة ليل

ماصدك عشكنة يصير شمعة ليل
مطفية تضل والشوكَ عاميهة
وماصدك تضل تحجي علينة الناس
وتكول احباب انتو وهاي تاليهة
وروحي الجانت تعز شخصك وتهواك
ماصدك تبتعد عنهة وبهجرك تأذيهة
احبك كلمة كلش جبيرة عليك
بعد لدكولهة ومن لسانك الغيهة
وصفحة عشكنة الجانت عبرة ومثل للناس
انسة الصار بيهة وهسة اطويهة
وعشرتنة الصار بيهة اشكال والوان
انســـــة اشكالهة وانسه لياليهة
واذا تــــــبقى اثار حبنة اثر تذكار
ماريـــــدن اذكرك وبيدي امحيهة
كل دمعة التطخ رمشي تريد اعليك
جنت بفراكك بحسرة وضيم ابجيهة
وروحي الحـــــبتك ابكل الاوقات
شلون هانـــــت عليك انت تجافيهة
واذا رايـــــــد ترجع حبنة والفات
اطـــــــــمأن من كَلبي شلتك
وكلمة احبك صعبة ارجع واحجيهة
كمت ماريدن بعد منك وفة واخلاص
اريـــــدك تفتهم روحي وتنسيهة
وكلـــبي الوافة كلبك طول السنين
محتاجة تضـــــل روحي وفه انطيهة
ودمعي الضل يصب لجلك بقة سنين
اريدن اكابل دمعتي وبحجاية اوصيهة
مانزلج بــعد للرايح وللجـــــاي
ولا تصدكين بعد بكــــــلمة يحجيهة
هذا الخان حبــــــي ونسة كل الصار
عوفي روحة يروحي شبيج عوفــــيهة
اريدن امحـــــي حبـــــك ولو تذكار
واريدن بفراكك اصبر الروح وحبك انسيهة

مما راق لي

ودي لكم

» قصة ((شمعة الداماد))
» قصة ((شمعة الداماد))
» شمعة اوشكت على الإنطفاء
» ليش الحزن يصير في ملامحنا " كبير