ولد يتعرف على بنت في المنتدى خخخخخ والنهاية شنو ؟

ليوم حبيت انزللكم مووضوع كلش حلو


و ان شاء الله يعجبكم



دسمعوهة ما ادري شو كَمت أبجي عليهة



اكو فد يوم واحد


عجبته بنية بس وين ؟؟ بالمنتدى اي اي بالمنتدى


يعني انتو تصوروهة حلوة لا هاي الفيكة


المهم


اول شي دتتمشة بالمنتدى الاسلامي


اجة الولد ديريد ينطيهة الرقم طفرولة الشيوخ و كام يأذن


و صارت هووسة



بعدين راح ع المنتدى المسيحي نفس الشي


راح على السياسي


جان تصير عركات و هوووسة و دكَني و ادكَكَ


و حكومة و سلطة .. سلطة فواكه خخخخخ


راحت على منتدى الترحيب


هم ديريد ينطيهة الرقم جان الكل ترحب بي و تصوفرلة


و تهلهلة انفضح و كلشي مسوة


تالي تالي شسوي


راح على المنتدى العام شافهم يحجون بالحب


و يحجون بحزن و ... ألــخ كلمات رزينه و كلهة انامل ذهبية


شافو جان يطيحون حظة


جان افترت و دوخته اسم الله الولد راح


اجتي على منتدى التحشيش


هذا الي ينصب علية و هذا الي يحشش علية


و هذا الي ينكت علية


ضاج فد مرة


راح على منتدى الرياضة


و البنية لبست بوتين كَامت تهرول


و هوة هم يركض وراها مثل الملطلط


اجوي جماعت الرياضة


هذا اليشمر علية طوبة


و هذا الي يشمرلة لابچين و هذا الي يشمرلة تيشيرت


و عياط و صياح مال مشجعين ههههه


خطية كلش و الله


راحت تفتر و وصلت لمنتدى


الكومبوتر ،، و الانترنت ،، و البرامج


خطية هناك تبهذل كلش كلش


بحيث الفايروسات و التروجانات


و شكو برنامج نصب علية نصب علية وندوز فيزتا


و اكس بي و الاصدار السابع سامعين بي اكيد


و البنية تضحك


و هية هم عجبتهة اللعبة


راحت على منتدى الستلايت و السيارات


تتمشى على كيفهة


و هوة يلحكَهة


خطية كلساع يفشخو بسكول سبانه


و كلساع واكَع علية تاير


و راح للستلايت


كلساع يشوف نفسة على قناة


انشهر فد مرة الله يعينة اي و الله


حتى ع قناة اغانينا طلع يغني وية تيسير السفير


صاير حموضة و دبدوب .. صاير مثل الصابون تذوب
ريحتك هاي ضايج منهة و علكَهة خطية


اخر شي وين راح


لمنتدى المضروبين باند و المساجين ولو هذا مموجود بس يلة مشيها لو


موجود جلن صارت كلش حلوة


هناك شلون مسلسل برزن بريك





كلهة كامت تعيط و تصفر و تضحك علية


من ورة السجن ،، و هية خربانه ضحك


خطية


جان نزل لي جوة شاف المتواجدين حالياً


10000 كَال حـــــيل شنو مشايفين


اخر شي ضاج و مل


دزلهة رساله خاصة


و بعدين سوة تسجيل خروووووج