قصيدة الشاب المبكية

ولد مسلم حب بنيه مسيحية وبعد الرفض
والتعب وتحدي وافقوا اهلهه وحددوا موعد الزواج
...بس قبل لا يكمل الحلم صار حادث بالبنيه (وتوفت)

القصيدة تكول :
... ...
بـداعت الغالـي محمـد .. ربـي رجعلـي امـس
صار واهـس مـوت بيـه .. الشافتـه عيـوني كبل واهـس عـرس !!

يا عـدل مـن شفنـه عـدله ,,,
الـون الابيـض هـو لـونك .. ربـي بـس نطلـب تبـدلـه
ليـش تختاره جفـن لـف الحبيبـه .. وانـي الختاريتـه بـدلـه !!

وكمـت ادعـي وانـه مضلـوم .. ودعـوه المضلـوم عـندك مستجاب
بنـور وجهـك كامـت وغطـت وجهـه .. وعلـي صارت شمـس ملفـوفـه بحجاب !!
الماي ياذيهـا الهـي شلـون تتحمل تـراب !!
ربـي بابـك لاتسـده وباقـي للكنتـور باب !!

راح ألمهـن ذكـرياتـي وما اترجمهـن مصيبـه
وراح اسـولف للحبيبـه
للحبيبـه,,,

احنـه كملنـه العلينـه ... بـس بقـى ناقصنـه شـي
لـو استعجلنـه بعـرسنـه ... جان عفتيلـي يتيـم اتلهـه بـي !!

وداعتـج كل دمعـي جـف
حبيبـه دفنـوج بكـربهـم ... والله ماقبلـوا اجيبـج للنجـف !!

ليـش المغيسـل صفـه صالـون عـرسج .. والتـراب يصيـح شـوك !!
البـوسـه ماضكنـه طعمهـه ومن كلتلـج .. كلتـي بطـل .. الله ما يقبـل نضـوك !!
ردتـج بصفـي يـروحـي
شلـون يقبلهـه ضميـرج انـه جـوه وانتـي ع السياره فـوك !!!؟؟

الحلقـه ما قبـل الاخيـره
بيـدج اليمنـى لبستيهـه وبجيتـي,,,
ليـش حـورتـي النهايـه!!؟؟
ع الاقل لـو نقلتيـهـه لأيـدج اليسـرى ومشيـتـي !!

ردي ليـه الفـركـه تكتل ... دنيتـج هاي شكبـرهـه وما ألـي بيهـا مكـان
ولاتخافـي علـه امتحانـج
ماكلتلـه استاذ ماتـت .. كتلـه ماتكـدر مـريضـه واجلتلـج الامتحـان !!

أخ مـن عـمري علـه عمـرج ... مـدري مـن عمـري علـه كبـرج !!!
انتـي ميتـه وانـي ميـت شـوك ... بـس تره محيينـي عطـرج
ردي غثـي اللـيل خلي يمـوت ... لو حليتـي شعـرج !!
وبيـش اذكـرج!!!؟؟

مـن عـرفتـي مـريـم آيـه ..
وفاطمـه الـزهـراء آيـه ..
وعـدتينـي وكلـتـي بـس تخلـص سبعتـي ... وداعتـك للبـس عبايـه !!
انـي حافـرلـي كبـر يمـج واجيـج ... وكبـر ثالـث لهـدايـه !!

وأخيـرآ ادري مثـواج السعـاده,,,
وراح اكـولـن سـر خطيـر
مـن عقـدنـه وكلتـي احبـك
شلتـي راسـج للـه واحجيـتـي الشهـاده !!

» كلمات القصيدة الحزينة المبكية رقية تصيح بابا
» قصيدة جرح بلادي قصيدة جديدة عن العراق
» الشاب الحسود
» علاقة الشاب بالحيوانات هع هع هع
» من هو الشاب الذي تنتظره حوريات الجنة ؟